GildedRose-Refactoring-Kata/GildedRoseRequirements_gl.md

Especificacións da Rosa Dourada (Gilded Rose)

Benvido ao equipo Gilded Rose. Como saberás, somos unha pequena pousada situada estratexicamente nunha cidade prestixiosa, atendida pola amable Allison. Tamén compramos e vendemos mercadoría de alta calidade. Por desgraza, a nosa mercadoría vai perdendo calidade (Quality) a medida que se achega a data de venda.

Temos un sistema instalado que actualiza automaticamente o noso inventario. Este sistema foi desenvolvido por un tipo serio e práctico chamado Leeroy, que agora está noutras aventuras.

A túa tarefa é engadir unha nova funcionalidade ao sistema para que poidamos comezar a vender unha nova categoría de items. Pero primeiro, imos describir como funciona o sistema:

Descrición do sistema

• Todos os artigos (item) teñen unha propiedade SellIn que indica o número de días que temos para vendelo
• Todos os artigos (item) teñen unha propiedade Quality que indica o valioso que é o artigo
• Ao final de cada día, o noso sistema decrementa ambos valores para cada artigo mediante o método updateQuality

Bastante sinxelo, non si? Pois agora é cando se pon interesante:

• Unha vez que pasa a data recomendada de venda (SellIn), a calidade (Quality) degrádase ao dobre de velocidade
• A calidade dun artigo nunca é negativa
• O "Queixo Brie anciño" (Aged brie) incrementa a súa calidade (Quality) a medida que madura cos días
  • A súa calidade (Quality) aumenta en 1 unidade cada día
  • Unha vez expirada a data de venda (SellIn), a súa calidade (Quality) aumenta o dobre cada día
• A calidade dun artigo (Quality) non pode superar 50
• O artigo Sulfuras, é un artigo lendario, non precisamos vendelo en ningunha data (SellIn) e tampouco se degrada en (Quality)
• O artigo "Entrada ao Backstage" (Backstage passes), incrementa o seu valor (Quality) a medida que se achega a data do concerto (SellIn)
  • Se faltan 10 días ou menos para o concerto, a calidade (Quality) increméntase en 2 unidades
  • Se faltan 5 días ou menos, a calidade (Quality) increméntase en 3 unidades
  • Unha vez pasada a data do concerto (SellIn), a entrada perde o seu valor (Quality) e cae a 0

A túa tarefa

Hai pouco contratamos a un provedor de artigos conxurados máxicamente. Isto require unha actualización do sistema:

• Os artigos conxurados (Conjured) degradan a súa calidade (Quality) o dobre de rápido que os artigos normais

Séntete libre de modificar o método updateQuality e engadir o código que sexa necesario, sempre e cando todo siga funcionando correctamente. Porén, non debes modificar a clase Item nin as súas propiedades, xa que pertence a un duende que, nun ataque de ira, podería liquidarte dun golpe porque non cre na cultura de código compartido.

Notas finais

Para aclarar: un artigo nunca pode ter unha calidade (Quality) superior a 50, aínda que o obxecto Sulfuras, ao ser un artigo lendario, teñen unha calidade inmutable de 80.